Официально

РАШЭННЕ № 179 ад 30 лістапада 2011 года 11-й сесіі Савета 26-га склікання

Аб прысваенні найменаванняў састаўным часткам г. Мінска
На падставе пункта другога артыкула 10 Закона Рэспублікі Беларусь ад 16 лістапада 2010 года «О наименованиях географических объектов» Мінскі гарадскі Савет дэпутатаў ВЫРАШЫЎ:

1. Прысвоіць найменаванні састаўным часткам г. Мінска:
праектуемую частку 1-га транспартнага кальца на ўчастку ад вуліцы Ціміразева да вуліцы Маскоўскай найменаваць вуліцай Дамашэўскай і надалей называць яе «вуліца Дамашэўская» («улица Домашевская»);
праектуемую вуліцу, якая з’яўляецца працягам вуліцы Каліноўскага на ўчастку ад праспекта Незалежнасці да вуліцы Францыска Скарыны найменаваць вуліцай Кірылы Тураўскага і надалей называць яе «вуліца Кірылы Тураўскага» («улица Кирилла Туровского»);
праектуемую вуліцу, якая адыходзіць ад праектуемай вуліцы (працяг вуліцы Каліноўскага на ўчастку ад праспекта Незалежнасці да вуліцы Францыска Скарыны) ў напрамку да будынка Нацыянальнай бібліятэкі Беларусі, найменаваць вуліцай Пятра Мсціслаўца і надалей называць яе «вуліца Пятра Мсціслаўца» («улица Петра Мстиславца»);
праектуемую вуліцу, якая пралягае паміж вуліцай Каралінскай і вуліцай Праектуемай № 1 у мікрараёне Брылевічы найменаваць вуліцай Некрашэвіча і надалей называць яе «вуліца Некрашэвіча» («улица Некрашевича»);
праектуемыя мікрараёны «Паўночны-1, 2» найменаваць мікрараёнамі Хмарынскія Пасекі — 1, 2 і надалей называць іх «мікрараёны Хмарынскія Пасекі — 1, 2» («микрорайоны Хмаринские Пасеки — 1, 2»);
праектуемыя мікрараёны «Паўночны-3, 4, 5, 6, 8, 9» найменаваць мікрараёнамі Цнянка-1, 2, 3, 4, 5, 6 і надалей называць іх «мікрараёны Цнянка-1, 2, 3, 4, 5, 6» («микрорайоны Цнянка-1, 2, 3, 4, 5, 6»).
2. Дадзенае рашэнне падлягае апублікаванню ў газеце «Минский курьер».
3. Дадзенае рашэнне ўступае ў сілу пасля яго афіцыйнага апублікавання.

Старшыня Савета              М.Ф. Савановіч

Читайте также:  Решение администрации Московского района г. Минска от 15 декабря 2017 года № 3114